Almatınıñ bir qaç rayonında iyülniñ 15-nde künniñ ekinci yarısında elektrikler kesildi. Soqaqlarda ışıqlar çalışmay, metro toqtadı, trolleybuslar tura. Işıq söndürilgenine dair haberler farqlı mikrorayonlardan kele, şeerniñ em alt, em üst qısımlarından, dep haber ete Nastoyaşçeye vremâ.
Almatı politsiyası ışıqlar yerine areketni idare etmege tırışqan 450 insannı soqaqlarğa çıqardı.
Haber etilgenine köre, Almatı metrosı yedek energiyağa bağlandı, amma yolcular aşağı daa kirsetilmey ve trenler yürmey.
«İyülniñ 15-nde saat 14.14-te TETs-2 AO «AlES» menşesinde tehnik hata oldı, şeerniñ büyük qısmında elektrikler kesildi», – dep bildirdi Şeerniñ energetik semerelik ve infrastruktura inkişafı idaresi.
Akimiyetniñ bildirgenine köre, bir qaç rayonda yerli saatqa köre saat 15-lerge yaqın elektrikler berildi. Amma bir qaç rayon alâ daa ışıqsız qala.
«Görenergo» elektrikler saat 17.00-ğa qadar tolusınen berilecek, dep vade ete.
