Link açıqlığı

Saatnıñ esas haberi

Almaniya Ukrayinanıñ AB-nde tam azalığında israr ete – Berbok


Almaniya ve Ukrayina TİN başları

Almaniya Ukrayinanıñ Avropa Birliginde tam azalığında israr ete, dep bildirdi Almaniya Tış işler naziri Annalena Berbok.

"Biz Ukrayinanıñ Avropa Birliginde tam azalığında israr etemiz. Biz Avropa Birliginde teren islâ keçirmege isteymiz ve bu, bu tecavuziy cenkten soñ bir ibret olacaq. Şimdi maddelerni baqıp çıqmağa veqıt degil ve bunı açıq-aydın aytmağa isteyim. Şimdi cenk ve sulh arasında noqta-i nazarımıznı bildirmege vaqıt keldi", - dedi Berbok Kıyivde matbuat konferentsiyası vaqtında.

Berbok, Almaniya Ukrayinanıñ AB-nde iştiragi içün bir yol tapacağını bildirdi ve Ukrayinanıñ AB-niñ azası olğanını tasdıqladı.

Mayısnıñ 9-nda Ukrayina Avropa Birliginde azalıq namzeti statusını almaq içün anketanıñ ekinci qısmını toldurğanı belli oldı.

Ukrayinanıñ AB-ne azalıq namzeti statusını almaq içün anketanıñ birinci qısmını prezident Zelenskıy bu yılnıñ aprel ayında AB-niñ Ukrayinadaki temsilciliginiñ resi Matti Maasikasuğa berdi.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG