Link açıqlığı

Saatnıñ esas haberi

Almaniya muhalifetiniñ lideri Ukrayinağa arbiy uçaqlarnıñ berilmesine qol tuttı


Fridrih Merts
Fridrih Merts

Muhalifet Hristian-demokratik birliginiñ lideri Fridrih Merts, Almaniya Ukrayina öz ava boşluğını ğayrıdan tiklep olması içün cenk aviatsiyasını bermek kerek, dep saya. Bu aqta siyasetçi iyülniñ 14-nde ARD alman telekanalınıñ efirinde ayttı.

"Biz Ukrayinağa öz ava boşluğı üzerinde suverenitetini ğayrıdan tiklemege yardım etmelimiz. Çünki bu raketa ücümleri, şimdi daa çoq ola, infrastrukturağa, elektrik ve suv teminatı obyektlerine, hastahanelerge ve qartlar evlerine, tek yerden kontrol etilmey", — dedi siyasetçi.

O, diger Avropa Birligi memleketleri Ukrayinanıñ ava mudafaasını quvetleştirmek içün Kıyivge qırıcılarnı yollamağa vade etkenini ve "almanlar çette qalıp olamaycağını" qayd etti.

Bundan evel Fridrih Merts, memleketniñ parlamentiniñ red etmesine baqmadan, Ukrayinağa Taurus qanatlı raketalarnıñ ketirilmesi içün de çıqışta bulundı.

İyülniñ 10-nda F-16 qırıcıları Ukrayinağa berilecegini Felemenk ve Danimarka ABD ile beraber bildirdi. Ukrayina arbiyleri bu yazda F-16 uçağında uçmağa başlaycaq, dep bildirilgen edi, amma operativ telükesizlik sebebinden qoşma tafsilâtlar berilmedi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG