Bağçasaray civarındaki Alma vadiysiniñ adı özen adından kele. Mında, Belbek ve Qaçı vadiylerinde kibi, Bağçasaray rayonınıñ ve asıl bütün Qırımnıñ esas meyva ve yemiş bağçaları öse.
Bağçacılıq ve yüzümcilik mındaki kolhozlarnıñ esas istisalı edi. O devir bitken soñ, Alma vadiysiniñ meyva terekleri ve çalıları olğan topraqlar şahsiy mülkiyetke berildi.
Qırım.Aqiqat mühbiri, bu sıcaq küz künlerinde Alma vadiysiniñ sıfatını süretke çekti.
Alma vadiysinde küneşli noyabr (suret toplamı)
1
Yüksek aqterekler artında Alma özeni Qara deñizge uzana
2
Küçük özençik üzerinde küneşli küz sabası
3
Özen tıynağını yuvunmaq içün yazda qurdılar
4
Vadiy tarlalarını suvarmaq içün özenden tulumbanen suv çekeler
5
Alma vadiysiniñ qapıstaları
6
Cilek tarlası
7
Novovasilyevka köyü yanında almalıq
8
Almalarnı hastalıq urdı
9
Yüzümni ayazlar, qurtlar ve hastalıqlardan yahşı etip saqladılar
10
Yaş qızılçıq bağçası
11
Alma bağçasınıñ kenarında bu Vilyams adlı armutlarnı daa Ekinci cian cenkinden evel saçtılar. Bağça saibi aytqanına köre, olarnıñ alâ bugün yahşı bereketi ola
12
Han Eli (Novopavlovka) - Alma Tamaq (Pesçanoye) yolunıñ yanında quru kireçtaş
13
Eski bağçada "Kulikovo" yerli sport klubunıñ poni ve eşegi otlana
14
Almanıñ sol yalısında küzlükler çıqtı
15
Zubakino köyü yanında armut bağçasınıñ pıtaması
Facebook Forum