Bağçasaray rayonında yerleşken Alman suv anbarı - keçken asırnıñ 20-30 senelerde Bazar-Cilga deresinde qurulğan Qırımdaki ilk suv anbarlardan biridir. O, Bazarçıq ve Novovasilevka qasabaları arasında yerleşe.
Quruv işlerniñ birinci nevbeti 1929 senesi yekünlendi, ekincisi - 1934 senesi. Onıñ kölemi - 6,2 million metr kub. Meydanı - 300 kvadrat kilometr. Suv anbarı Alma özeniniñ 5 kilometrlik beketinden tola.
Şiddetli qurğanlıq ve yağanaqlar olmağanı sebebinden Alma suv anbarı, Qırımnıñ diger özenleri kibi pek tez saylaşıp başladı. Rusiye idaresi astındaki Qırımnıñ suv hocalığı ve melioratsiyasından Devlet kömitetiniñ malümatına köre, şimdiki vaqıtta o 20% tolu, bu tahminen 1,3 million metr kub teşkil ete.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
2020 senesi Qırımdaki suv teminlevi vaziyeti kritik oldı. Qırımlı alimlerniñ bildirgenine köre, yağanaqlar yağmağanı içün ve qar az yağğan qış neticesinde qurğaqlıq oldı.
Kreml kontrolindeki Qırım yolbaşçısı Sergey Aksenov Rusiye Qırımnıñ suv teminlevini fevqulâde vaziyet olaraq tanıması mümkün, dep ayta. O, 2020 senesi 150 yıl içinde eñ quru oldı, dep bildirdi.
Bu yılnıñ noyabr ayında Alma özeni yanındaki suv anbarınıñ vaziyeti nasıl olğanını bizim fotoresimlerimizde köre bilesiñiz.
Facebook Forum