Link açıqlığı

Saatnıñ esas haberi

Eki kere kelmeyik dep, DNK talilini aldılar – Ali Osmanov FSB keçirgen tintüv aqqında (video)


Eki kere kelmeyik dep, DNK talilini aldılar – Ali Osmanov FSB keçirgen tintüv aqqında (video)
Bekleñiz, lütfen

No media source currently available

0:00 0:01:08 0:00

Dekabrniñ 14-nde saba Aqmescitte qırımtatarı Ali Osmanovnıñ evinde tintüv keçirildi. Rusiye FSBsi hadimleri qapunı qaqqanda o, saba namazını qıla edi. Uquq qoruyıcılar ketirgen qararda evde saqlanğan silâ ve patlayıcı aqqında malümat bar, dep qayd etilgen edi. Qırımlınıñ aytqanına köre, tintüv tez keçti, uquq qoruyıcılar, Osmanov işke keç qalmaymı, dep ara-sıra soray ediler. Qırımtatar faalleriniñ aytqanına köre, Ali Osmanov soñki eki yıl devamında qırımlı mabüslerge faal yardım ete: SİZOğa aş alıp kete, mahkemelerge bara. Eskiden Rusiye FSBsi tarafından bir qaç kere tahqiqat tedbirleri keçirilgen «Qırım birdemliginiñ» faali Marlen Mustafayev ile beraber çalışqan edi. Bir qaç kere evinde tintüv keçirilgen edi, 2018 senesi yazda ise o, içtimaiy ağlarda yazğanı içün 12 kün apiste yattı. Tahqiqat malümatına köre, Mustafayev 2014 senesi avgust ayında Facebook saifesinde «Hizb ut-Tahrir» teşkilâtınınh timsallerinen yazı yazdı. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG