Vlasihadaki Rusiye İstinaf arbiy mahkemesi közden I derece saqatlığı olğan «qırımlı musulmanlar davasınıñ» mabüsi Aleksandr Sizikovnıñ ükmüni tasdıqladı. Bu aqta «Qırım birdemligi» uquqçı Lilâ Gemeciniñ malümatına esaslanıp haber ete.
Qayd etilgenine köre, imaye tarafı birinci seviye mahkemesiniñ ükmünde Sizikov kör ve birinci derece saqatı olğanı içün tüzetüv müessisesinde tutula bilemi aydınlatılmay, dep bildirdi.
İstinaf mahkemesi tek ükmüni tasdıqlamadı, hastalığı apiste yatmasına mania degil, dep bildirdi faaller.
«Aleksandr Sizikov bugün evge ketti. Ev apsi şeklinde sıñırlav tedbiri Rusiye Federatsiyasınıñ Cezalarnı yerine ketirüv federal hızmeti Vlasihadaki İstinaf arbiy mahkemesiniñ müürli qararını alğanına qadar devam etecek. Bundan soñ Rusiye Federatsiyasınıñ Cezalarnı yerine ketirüv federal hızmeti Sizikovnı başta SİZOğa, soñra apishanege alacaq. Mence, bu tek deşetli degil, qanunsız ola», – dep izaatladı Gemeci.
2020 senesi iyülniñ 7-nde Rusiye quvetçileri yedi qırımtatarınıñ evini tintti: Emil Ziyadinov, Zekirya Muratov, İsmet İbragimov, Alim Sufyanov, Seyran Hayredinov, Vadim Bektemirov mahkemede apiske alındı ve Aqmescitniñ ceza izolâtorına qapatıldı. I derece köz saqatı olğan Aleksandr Sizikov ev hapsine yollanıldı. Tutulğanlar Rusiyede yasaqlanğan «Hizb ut-Tahrir» diniy teşkilâtınen alâqaları bar olğanında qabaatlandı.
2023 senesi mayıs ayında Sizikov ilk dört yılnı apishanede keçirecek 17 yılğa üküm etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
