Link açıqlığı

Saatnıñ esas haberi

Rusiye prokurorı «qırımlı musulmanlar davasınıñ» mabüsi Aleksandr Sizikov içün 18 yıl apis cezası berilmesini talap etti


Aleksandr Sizikov
Aleksandr Sizikov

Rusiye Federatsiyasınıñ Cenübiy okrugınıñ arbiy mahkemesinde Rusiye devlet qabaatlavı «qırımlı musulmanlar davasınıñ» mabüsi Aleksandr Sizikovnı 18 yılğa, daa eki qırımlı – Alim Sufyanov ve Seyran Hayredinovnı 14 yılğa azatlıqtan marum etmege talap ete, dep bildire«Qırım birdemligi» cemaat birleşmesi.

«Prokuror Aleksandr Sizikovnı 18 yılğa sert rejimli koloniyada qalmasına, 5 yılını apishanede keçirmesine ve areket serbestliginiñ bir yılğa sıñırlanmasına üküm etmege talap ete. Alim Sufyanov ve Seyran Hayredinovğa qabaatlayıcı 14 yılğa sert rejimli koloniyada qalmasına, 4 yılını apishanede keçirmesine ve areket serbestliginiñ bir yılğa sıñırlanmasına üküm etilmesini teklif etti», – dep haber ete faaller.

«Qırım birdemliginiñ» malümatına köre, munaqaşada Rusiye prokurorı Sizikovnıñ bilgisayarında sesinen idare etken programmalar bar edi, dep ayttı. Aslında ise, mabüs diger insanlarnıñ yardımınen tehnikanı qullandı – keçken oturışuvda oña Konstantin Tumareviç yardım etti, dep bildirdi. Bu insannı imaye «Hizb ut-Tahrir» davalarında FSBniñ gizli şaatı dep saya. Olar 2015 senesi subetleşken edi – Tumareviç Aleksandr Sizikovnıñ bilgisayarını faal ve serbest bir şekilde qullandı.

Nevbetteki mahkeme oturışuvı fevralniñ 1-ne belgilendi, lâkin Aleksandr Sizikov, Alim Sufyanov ve Seyran Hayredinovnıñ imayecileri Lilâ Gemeci ve Taras Omelçenko diger esnaslarda meşğul olğanları içün iştirak etip olamaz. Buña baqmadan, mahkeme diñlevlerni başqa künge qaldırmadı.

2020 senesi iyülniñ 7-nde Rusiye quvetçileri yedi qırımtatarınıñ evini tintti: Qurman rayonınıñ Büyük Onlar qasabasında Emil Ziyadinov, Aqmescit rayonınıñ Kurtsı qasabasında İsmet İbragimov, Bağçasaray rayonınıñ Jeleznodorojnoye köyünde Alim Sufyanov, Bağçasaray rayonınıñ Süyür Taş (Belokamenka) köyünde Seyran Hayretdinov, Bağçasaray rayonınıñ Sevastyanovka köyünde Aleksandr Sizikov, Aqmescit rayonınıñ Bavurçı (Kamenka) köyünde Vadim Bektemirov ve Aluştada Dilâver Memetovnıñ. O, tintüv keçirilgende evde degil edi, onı qıdırmağa devam eteler.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG