Qırımnıñ Rusiye yolbaşçısınıñ mesleatçısı Oleg Krüçkovnıñ bildirgenine köre, Qırım yarımadasında ava telükesi signalını çalıştırmaylar, çünki o "künde 22 saat" çalar edi, şunıñ içün Qırım sakinlerine endi tenbilev beyanatları yollana. Bu aqta Krüçkov İlk yaznıñ 15-nde "Krım 24" Rusiye telekanalınıñ efirinde bildirdi.
"Qırım" — bu, Krasnodar ülkesi, deñiz ve er şeyge uçuşlar keçken yer. Şimdiki vaziyetke köre, telüke ve sirenalar künde 22 saat çalışmaq kerek, geceleri ise 7-8 kere çalışmaq kerek", — dedi Krüçkov.
Onıñ aytqanına köre, Aksönov Fevqulâde vaziyetler nazirliginiñ resurslarında sms-ihtar ve bildirüv sistemasını qullanmağa qarar aldı, amma, Krüçkovnıñ qayd etkenine köre, "konkret obyektler ya da rayonlar içün telüke peyda olsa, sirenalar çalıştırıla bile".
Daa evel haber etilgenine köre, Qırımda Rusiye Fevqulâde vaziyetler nazirligi Qırım yarımadasınıñ sakinlerine uçucısız uçaqlarnıñ ücüm telükesi aqqında SMS ile haber etmege başladı. Böyle haberler Qırımlılarğa Quralaynıñ 13-nden berli kele.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.