Qırımnıñ işğal yolbaşçsı "Yalta iqtisadiy forumı"nıñ tarihı deñiştirilecegini kene bildirdi.
"Yalta halqara iqtisadiy forumı" daa keç tarihte olacaq", - dep ayttı o.
Aynı zamanda sebepni ve formnıñ yañı tarihını Aksönov bildirmedi.
Baarde Qırımnıñ işğal yolbaşçıları "belli bir logistik hususiyetlerden" sebep "Yalta iqtisadiy forumı" Moskvada keçirile bile, dep bildirgen edi.
"Yalta iqtisadiy forumı" 2015 senesi keçirip başladılar. Ukrayina onıñ iştirakçilerini qanun bozucıları dep saya, çünki olar Qırımğa Ukrayina akimiyetiniñ ruhseti olmadan keleler.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
