"Operativ malümatqa köre, SVO iştirakçilerine 730-ğa yaqın uçastkanı bedava bermege qarar alındı. Bu iş devam ete'', – dep bildirdi Qırımnıñ Rusiye yolbaşçısı Sergey Aksönov.
O şunı da qoştı ki, Rusiye arbiyleri "cumhuriyetniñ şifahane-kurort müessiselerinde reabilitatsiyadan keçe".
Ukraina prezidentiniñ Qırım Muhtar Cumhuriyetindeki temsilciligi ilhaq etilgen Qırımda Ukrayinağa qarşı cenkniñ 750-den ziyade iştirakçisi bedava uçastka aldı, dep bildirgen edi.
2022 senesi dekabr ayında Qırımnıñ Rusiye parlamenti Ukrayinağa qarşı cenkte iştirak etken Qırım sakinlerine bedava uçastka bermege ruhset berdi. Bu sene aprelniñ 7-nde Rusiyeniñ nezaretindeki Qırım akimiyeti Ukrayinağa qarşı cenkte iştirak etkenlerge uçastka berüv aqqında buyurıqlar berip başladı. TASS Rusiye agentliginiñ malümatına köre, birinci basamaqta 56 gektarlıq 511 yer azırlandı. Olar Saq rayonında bulunalar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
