Rusiye tayin etken Qırım yolbaşçısı Sergey Aksönov Qırımnıñ iç ihtiyacları içün yeterli qadar suv olğanını ayta.
Aynı zamanda onıñ sözlerine köre, Şimal Qırım kanalında suvnıñ seviyesi kettikçe eksile.
"Kanaldaki yedekler tahminen 2,5-3 ayğa daa yetecek. Aynı zamanda, er angi bir tehnik qıyınlıqlar olmasa da, mevcut şaraitte bir pompa stantsiyasını ve Dniprodan kanalğa doğrudan suv temini içün bir yol qurmaq mümkün degil", - dep ayttı Aksönov.
Aksönovnıñ bildirgenine köre, Suv anbarlarınıñ toldurılması "yeterlidir" ve ealiniñ içimli suv ile temin olunmasında dersiñ iç bir havf yoqtır.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayina prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
