"Ruslan Rişatoviç Yakubovnı Qırım Cumhuriyetiniñ milletlerara munasebetler Devlet komitetiniñ reisi vazifesine tayin etüv aqqında ferman imzaladım", — dep yazdı Aksönov öz telegram-kanalında.
Bundan evel bu vazifeni 2021 senesi mart ayından berli Ayder Tippa eda etken edi. Bundan evel Qırımnıñ Pervomaysk rayonı Rusiye memuriyeti yolbaşçısınıñ birinci muavini edi.
Qırımnı işğalden qurtaruv #LiberateCrimea halqara areketiniñ Qırım bölüginde Qırım.Aqiqatqa bildirdiler ki, Aksönov Ayder Tippanı Qırımnıñ rusiyeli parlamentine ve yerli şuralarğa qanunsız saylavlarda qırımtatarlar az iştirak etkeni içün işten boşatqan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
