Qırımnıñ Rusiye yolbaşçısı Sergey Aksönov yarımadağa kene pilotsız uçaqlar ile ücüm etilgenini bildirdi.
Onıñ sözlerine köre, dron dört memuriy binağa zarar ketirgen. Ücüm neticesinde osbmür qızçıq öldi, dep bildirdi o.
Haber etilgeni kibi, pilotsız uçaq Aq Şeyh rayonında bir tükânnıñ üstüne tüşken. Ölgen 14 yaşındaki İrina. O, dostları ile saarniñ qarşılamaq kete ve şu vaqıt pilotsız uçaqnıñ tüşken tükân yanından keçe edi eken. Qıznı bir çoq yara ile hastahanege alğanlar, amma ekimler yardım etip olamağanlar.
Muarriyet bu malümatnı teşkerip olamay.
İyülniñ 18-nde Sergey Aksönove yarımadanıñ şarqında doquz dron urıp tüşürilgenini ve daa 19 "zararsızlaştırılğanını" bildirgen edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
