Qrımnıñ işğal yolbaşçısı Sergey Aksönov Qurman rayonınıñ infraterkip obyektlerine dronlar ile ücüm etilgeni aqqında haber etti.
"Duşman Qırım Cumhuriyetiniñ Qurman rayonınıñ infraterkibine pilotsız uçaqlar vastasınen ücüm etmege tırıştı. Fevqulâde vaziyetler nazirligi artıq qaza yerinde, bütün hızmetler çalışa", - dep yazdı o.
Telegram kanalları pilotsız uçaqlar Rusiye arbiy bazasına ücüm etmesi aqqında yaza. "Oktâbrskoye" arbiy uçaq bazası da aynı şu rayonda buluna.
Muarririyet bu malümatnı teşkerip olamay.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
