O, "RİA Novosti" agentligine bergen intervyüsında böyle tedbirler "eali telükesizligini temin etmeknen" bağlı olğanını ayttı. Aksönovnıñ qayd etkenine köre, Qırımdaki Rusiye akimiyeti Rusiye quvetçileri ile daimiy bağda buluna, şunıñ içün bir sıra qarar "vaziyetni köz ögüne alıp" qabul etile.
"Alınğan qararlar tüşünilgen ve kollektivdir, amma bütün tafsilâtnı şimdi aytmaq mümkün degil", — dep ayttı Aksönov.
Onıñ aytqanına köre, "al-azırda daa semereli çare yoq".
Qırım telegram kanalları bildire ki, söndürüvler yarımadağa uçucısız uçaqlarnıñ ücümleri ile bağlı. Daa evel tapılğan dronlarda yerli operatorlarnıñ SIM-kartları yerleştirilgen edi.
Muarririyet bu malümatnı tasdıqlap olamay.
Sentâbrniñ ortasında Qırımnıñ Qara deñiz rayonında gece mobil internet söndürilgen edi.
Bundan evel Qırımnıñ rusiyeli haber nazirligi qırımlılarnı yaqın vaqıtta mobil internetniñ işi toqtatıla bilecegi aqqında tenbiley edi.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
