Simdilik pek yapışqan ve qazağa oğrağan tankerlerniñ içinde qalğan mazut qalımtılarınıñ kurort mevsimi devamında aqıp çıqması mümkün, dep bildirdi Qırımnıñ Rusiye yolbaşçısı Sergey Aksönov.
"Yazğa qadar [tankerlerniñ] köterilmesi aqqında qarar alınmasa, yazda kurort mevsimi devamında tankerlerden [mazut] aqıp çıqa bile", — dep ayttı memur Rusiye kütleviy haber vastalarına bergen intervyüsında.
Aksönovnıñ aytqanına köre, şimdiki vaqıtta suv arareti alçaq olğanı içün toplanğan mazut yapışqan alda buluna.
Tankerlerniñ tüşmesi neticesinde neft mahsulatı töküldi. Rusiye kütleviy haber vastalarınıñ malümatına köre, "Volgoneft-212" 4300 tonna mazut taşımaqta edi. Shot ve Baza, "Volgoneft-239" gemisinde de aynı miqdarda neft mahsulatı olğanını iddia eteler.
Daa soñra Rusiye Deñiz qurtaruv hızmeti, dekabrniñ 15-nde Keriç boğazında tankerlerniñ qazası neticesinde Qara deñizge 2,4 biñ tonna neft mahsulatı töküldi, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
