Kefede duşman ücüminiñ neticesinde bir insan elâk oldı, eki kişi yaralandı. Altı bina zarar kördi, esasen, pencereler sındı", - dep bildire Aksönov.
Onıñ aytqanına köre, altı insan vaqtınca yerleşüv noqtalarına tahliye etildi. "Naqliyat infraterkibi çalışmaqta, yolcu taşuvı sıñırlanmadı", - dep qoştı o.
Saba Aksönov Kefe limanına yapılğan ücüm aqqında bildirdi, onıñ neticesinde yanğın ve patlav oldı. Ukrayina ava quvetleri bildirdi ki, Kefege ücüm neticesinde Qara deñiz flotunıñ "Novotçerkassk" büyük desant gemisi yoq etildi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
