Qırımnıñ Rusiye yolbaşçısı Sergey Aksönov iyülniñ 18-ne keçken gecesi yarımadanıñ şarqında doquz dron urıp tüşürilgenini ve daa 19 "zararsızlaştırılğanını" bildirdi.
"Gece Qırımnıñ şarqında Ava mudafaası quvetleri 9 pilotsız uçaqnı urıp tüşürdi ve daa 19-ı REB küçleri tarafından zararsızlaştırıldı", - dep yazdı o telegram kanalında.
Bu malümatnı RF Mudafaa nazirligi de haber etti. Yalıñız nazirlikniñ malbmatına köre, 17 dron Ava mufadaası quvetleri tarafında urıp tüşürilgen ve daa 11 REB küçleri tarafından.
İyülniñ 17-nde saba Qırımnıñ Rusiye yolbaşçısı Sergey Aksenov Keriç (Qırım) köpründe areket toqtatıldı, dep bildirdi. Onıñ aytqanına köre, Rusiyeniñ Krasnodar ülkesi tarafından 145-inci dayaq fevqulâde adise oldı.
Rusiye Naqliyat nazirligi köpür yolu zarar kördi, dep bildirdi. Telegram kanalları patlavlar aqqında yazıp, zarar körgen arabanıñ fotoresimlerini paylaşa. Rusiye tarafdarı bloger Aleksandr Talipov eki patlav aqqında yazdı – 3:04-te ve 3:20-de.
Belgorod vilâyetiniñ valisi Vâçeslav Gladkov bir qoranta çifti elâk oldı, dep bildirdi. Arabada 14 yaşında qızları da bar edi.
Ukrayına Mudafaa nazirliginiñ Baş istihbarat idaresiniñ spikeri Andriy Yusov Keriç köpründeki «fevqulâde adiseni» izaatlamağa istemedi. «Tek Ukrayına Mudafaa nazirligi Baş istihbarat idaresiniñ reberi Kırılo Budanovnıñ «Qırım köprü – artqaç bir inşaat» degen laflarını tekrarlamaq mümkün», – dep ayttı o, «Suspilne» izaatlarında.
RBK-Ukrayına menbalarına esaslanıp, Qırım köpründe olğan zararlar – Ukrayına Silâlı quvetleri ve Telükesizlik hızmetiniñ Arbiy-deñiz quvetleriniñ mahsus operatsiyasıdır, dep bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
