Qırımnıñ yolbaşçısı Sergey Aksönov gece saatlarında Qırımda Rusiye ava ücüminden mudafaa quvetleri tarafından 4 pilotsız uçaqnıñ urıp tüşürilgenini bildirdi. Bunıñ aqqında o, telegram kanalında yazdı.
Onıñ sözlerine köre, zarar körgenler ve dağıluvlar yoq.
Telegram kanalları, pilotsız uçaqlardan biri gece saat 3-lerde Canköy rayonına uçıp kirgenini iddia ete. Onıñ nişanı güya demiryol edi.
Baza telegram kanalınıñ bildirgenine, yıqıluv vaqtında pilotsız uçaq alâqa tellerini yırtqan. Demiryol hattınıñ özü zarar körmegen, amma areketni episi bir toqtatmaq kerek olğan.
Muarriretniñ operativ şekilde bu malümatnı teşkermek imkân yoq.
Keçenlerde Aqmescit rayonında zahire taşığan vagonlar relsten çıqqan edi. Qırımnıñ işğal parlamentiniñ spikeri Konstantinov qazağa "patlatuv" dedi ve bunda Ukrayinana qabaatlaı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
