Rusiye kontrolindeki Qırım yolbaşçısı Sergey Aksenov Qırım yarımadası ve işğal etilgen Herson vilâyeti arasında üç avtobus olacaq, dep ilân etti.
Berilgen malümatqa köre, fevralniñ 1-nden başlap avtobuslarnıñ marşrutı böyle olacaq:
- Geniçesk – Aqmescit – Yalta;
- Geniçesk – Canköy;
- Skadovsk – Aqmescit.
Yol parası mingen yerine köre 600-den 1500-ge qadar Rusiye rublesi olacaq.
Bıltır oktâbr ayında haber etilgenine köre, Aqmescitten Rusiye işğal etken Herson vilâyetiniñ Oleşkı şeerine qadar ketecek.
Ukrayına arbiyleri Herson vilâyetiniñ sağ tarafını 2022 senesi yaz-küzünde işğalden azat etti. Vilâyet merkezi noyabrniñ 11-nde azat etildi. Bundan soñ Rusiye ordusı Herson ve Ukrayına ükümeti kontrol etken vilâyetlerge toplardan ateş etip başladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
