Rusiye kontrolindeki Qırım yolbaşçısı Sergey Aksenov Qırımnıñ ğarbinde Rusiye mudafaa sisteması uçucısıznı urıp tüşürdi, dep bildirdi.
«Qırımnıñ ğarbinde ava mudafaa quvetleri uçucısıznı urıp tüşürdi. Arbiylerimiz vazifelerini tam ve semereli yerine ketire. Er kesten raat olmağa ve teşkerilgen malümat menbalarına inanmağa çağıram», – dep yazdı Aksenov Telegram kanalında.
Uçucısız Kimge ait Aksenov aytmadı. Ukrayına arbiyleri adiseni izaatlamadı.
Bundan evel Rusiye Federatsiyasınıñ ava mudafaa sistemasınıñ işi aqqında Kezlevdeki Yalı Moynaq (Zaozernoye) qasabası aqqında bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
