Kreml nezareti altındaki Qırım yolbaşçısı Sergey Aksönov eki aftalıq tatilge ketkenini haber etti.
“Avgustnıñ 1-inde eki aftalıq tatilge çıqacam. Bir yerge ketmeyim, Qırımda qalam, müim suallerni nezaret altında tutacam. Özüm içün iş cedvelini endi tizdim”, - Aksönovnıñ Facebook saifesindeki beyanatta yazılğan.
Qırım başlığınıñ vazifesini vaqtınca Yuriy Gotsanük icra etecegini de bildirdi.
Keçken yılı tatil devamında Aksönov Qırımnıñ bir qaç köy-şeerini ziyaret etkenini ve Qırım qasabalarında astyapı (infrastruktura) zayıf olğanını qayd etti.
