Qırımnıñ Rusiye yolbaşçısı Sergey Aksenov «Moskva – Aqmescit» treni esas Ukrayınanıñ işğal etilgen topraqlarından ketse, «yol vaqtı daa qısqa olacaq», dep bildirdi. Bu aqta o, Telegram kanalında yazdı.
Aksenovnıñ qayd etkenine köre, Qırımnıñ Rusiye işğal etken Ukrayına topraqları arasında tren seferleri «telükesizlik seviyesi yeterli olsa, yañıdan başlatıla bile».
«Bunıñ içün bütün infrastrukturamız bar. Mence, em şeer trenleri, avtobusları, em yolcu trenleriniñ areketlerini teşkil etmek kerek», – dep ayttı Aksenov.
Rusiye arbiyleri «yeterli telükesizlik seviyesini ne vaqıt temin eter» Akseno aytmadı. Yaqında o, «ÇVK Vagner» ve sponsorı Yevgeniy Prigojinge qoltutıp, Rusiye Mudafaa nazirliginiñ memurlarını tenqit etti.
Ukrayına akimiyeti ve arbiyleri Rusiye zapt etke Mıkolayıv, Herson, Zaporijjâ, Donetsk, Lugansk, Harkiv vilâyetleri ve Qırımnı Kyiv kontroli altına keri almaq niyetleri aqqında çoq aytqan ediler.
Aksenov buña cevap olaraq Rusiye prezidenti Vladimir Putin Qırımda fortifikatsion inşaatlarnı quruv ğayesine qoltuttı, dep ayttı. Bu yıl fevralniñ başında Aksenov Putinge Qırımda fortifikatsion inşaatlarnıñ quruluvını aprelniñ 15-ne qadar yekünlemege planlaştıralar, dep esabat berdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
