Qırımnıñ Rusiye yolbaşçısı Sergey Aksenov Ukrayına prezidenti Volodımır Zelenskıynıñ Qırımnı işğalden azat etmek kerek olğanına dair aytqanlarını izaatlap, «Ukrayına mezarlıqlarında biñlernen yañı mezar olacaq», dep tenbiledi.
«Mustaqil» domuzlıqtan bezdik. İç bir silâ Kyiv rejimine Qırımğa burnunı tıqmağa ve masamızğa domuz tuyaqlarını kene qoymağa yardım etemez. Böyle ıntıluvlarnıñ tek bir neticesi ola bile: eski Ukrayına yañı topraqlarını coyacaq ve Ukrayına mezarlıqlarında biñlernen yañı mezar olacaq», – dedi Aksenov Telegramda.
Ukrayına prezidenti Volodımır Zelenskıy Davostaki ukrayın qavaltısında Ukrayına Qırımnen beraber işğal etilgen bütün topraqlarnı azat etmek niyetinde, dep tasdıqladı.
Keçken sene dekabrniñ soñunda Ukrayına arbiy istihbaratınıñ yolbaşçısı Kırılo Budanov Ukrayına Qırımnı em küç, em diplomatiyanen qaytaracaq, dep bildirdi. 2023 senesi yazda deñizge qayda barmaq mümkün sualine Budanov böyle cevap berdi: «Qırımnı tevsiye etem. Ukrayına turistlerini çoqtan beklegen Ukrayına incisidir».
Ukrayına Silâlı quvetleriniñ baş komandanı Valeriy Zalujnıy Qırımnı işğalden qurtaruv imkânlarına qıymet kesip, birinciden Zaporijjâ vilâyetiniñ Melitopol şeerini kontrol altına almaq müim ola, dep bildirdi.
Avropada ABD ordusınıñ sabıq komandanı Ben Hodgesniñ fikirince, Ukrayına 2023 senesi yaznıñ soñuna qadar Qırımnı azat etecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
