Qırımnıñ Rusiye yolbaşçısı Sergey Aksenovnıñ fikirince, turistlerniñ yarımadağa kiriş yasağı koronavirusnıñ regionda tarqaluv vaziyetini eyiliştirip olamaz.
«Kurort mevsimi olmağa regionlar bizimkilerden daa beter. Köremiz ki, bu vaziyetke tesir etmey, bu kurort müessiselerinde olğan şey degil. Qırımnıñ turistlerden qapatılması bizge büyük fayda ketirmey, qapatsaq bile, hastalarnıñ sayısı eki qat eksilmeycek. Er şey içinde ola», – dedi Aksenov COVID-19 ile küreş operativ ştabınıñ toplaşuvında.
Keçken künü Qırımda 331 koronavirus hastası qayd etildi.
Aksenov, yanvarnıñ ortasına qadar yerli alış-veriş merkezlerinde kütleviy tedbirlerniñ keçirilüvini ve food courtlarnıñ işini yasaqladı. Qırımda tek restoranlarda degil, ofislerde de korporativ keçirilüvi yasaq etildi.
Aksenov, yılbaş korporativlerine barğan memurlarnı işten boşatacaq, dep vade etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
