Link açıqlığı

Bugün Qırımnıñ birinci «baş nazir muavini» vazifesinden vazgeçken Rustam Temirgaliyevniñ ögünde karyeranı qurmaq içün yollar açıldı.

Böyleliknen Qırımnıñ öz başına tayin etilgen Sergey Aksönov öz muavininiñ istifasını añlattı.

Nasıl yollar aqqında söz ketkenini Aksönov añlatıp olamadı.

«Rustam Temirgaliyev akimiyette keñeşçi olaraq qalacaq. Men onıñ yardımına ümüt besleyim ve yolnıñ eñ qıyın basamaqlarını birlikte keçkenimiz içün oña minetdarım. Çoq şey yapıldı, amma ögde daa da çoq yapılacaq şey bar», – dep bildire Qırım «baş naziri»niñ sözlerine onıñ matbuat hızmeti.

Çarşenbe künü, iyün 11-de, Qırım «parlamenti»niñ deputatları Qırımnıñ birinci «baş nazir muavini»niñ istifasına qol tuttılar. Mütenasip qararğa 73 deputattan 72 deputat rey berdi. Qarar Temirgaliyevniñ öz istegi ile vazifeden boşatılması aqqında arizası ile alınğandır.
XS
SM
MD
LG