Link açıqlığı

Coşqun oyunlar merkezi olaraq Qırım Qıtaydaki Makao ve amerikan Las-Vegas ve Avropadaki Monakoğa raqip ola bile. Böyle fikirni birinci «navir muavini» Rustam Temirgaliyev bildirdi.

Bunı «Крыминформ» sitesi bildire.

«Bizim ögümüzde bütün yıl çalışqan oyunlar merkezinen bağlı turistik klasterı yapmaqnıñ vazifesi tura. Yalıboyunda mahsus oyunlar içün bir şeer qurulması muzakere etile. Ondan da ğayrı bir qaç variant meydanlar da közde tutula. Umumen deñız yalısında 100 ge yaqın topraq damartasınıñ ayırılması aqqında laf yürsetile», – dedi Temirgaliyev.

Bunen beraber, variant olaraq evelde yahşı çalışmağan eki-üç sanatoriynı birleştirip coşqun oyunlar içün şeerni qurmaq ta közde tutula. Bu aqta teklifler mayısnıñ ortasında belli olacağı aqqında qayd etti.

Bügün, Rusiye prezidentı Vladimir Putin Gosdumağa Qırımda Rusiyede bulunğan beşinci oyunlar merkezi yapılması aqqında qanun leyhasını taqdim etti. Oyunlar merkeziniñ sıñırları Qırım Cumhuriyetiniñ akimiyeti tarafından teşkil etilecek.
XS
SM
MD
LG