Link açıqlığı

Cumaertesi künü aqşam Aqmescit-Bağçasaray yolunda Acı Qal köyünde GAİ hadimleri Qırımtatar Milliy Meclisiniñ reisi Refat Çubarov ketken maşinanı toqtattılar. Meclis reisiniñ matbuat kâtibi Lilâ Müslimova bildirdi ki, maşina toqtalğan soñ, salonğa betleri qapalı olğan silâlı adamlar kirdi, adiy bir adam vesiqalarnı köstermege talap etti.

Refat Çubarov vatandaş pasportını kösterdi, olar fenernen yarıqlatıp, vesiqanı baqtılar.

«Maña pasportnı qaytarıp, böyle dediler: «Bağışlañız, teşkerüv, yañıldıq», – dep teşkerecilerniñ sözlerini tekrarladı Meclis reisi.

Lilâ Müslimovanıñ aytqanına köre, Refat Çubarov olarnıñ soyadları ve vazifelerini sorasa, «halq imayesi» degen cevapnı aldı. Meclis reisi sualini tekrarlap, «samooborona», «bağışlañız, kete bilesiñiz» cevabını eşitti, soñra «soyadım Petrov» dep ayttı birisi.
XS
SM
MD
LG