Moskovağa boysunğan Qırım başı Sergey Aksönov, Vladimir Putinnen körüşkende, "Tavrida" trassasınıñ qurulışını 2020 yılına qadar bitirmege söz berdi.
Aksönovğa esaslanğan Kreml saytına köre, trassa 74%-ğa azır.
Aksönov aytqanına köre, Qırım ükümeti, Aqmescit-Yalta-Aqyar trassasınıñ tamirini yapmaq içün Putinden maddiy destek soracaqlar.
Daa evel Rusiye ükümeti "Tavrida" avtomobil trassasınıñ qurulışını 2022 senesi bitirmege niyetlene edi.
Qurulıp turğan "Tavrida" trassasınıñ Aqmescitten Keriçkece 190 kilometrlik qısmı 2018 senesiniñ soñunda açılğan edi.
Yol areketi eki yolaqta yapıla, yapılıp turğan qurulış işleri sebebinden sürat sıñırlavı - saatte 60 km.
Qırım Naqliyat Nazirliginiñ tahminlerine köre, "Tavrida" trassasından Keriçten Aqmescitkece yol qararnen eki saatlıq olacaq, Keriçten Aqyarğa ise - üçten azca.
