Kreml nezaretindeki Qırım akimiyeti, Rusiye akimiyetinden 900 liftniñ deñiştirmesine 1,5 milliard ruble soradı. Bu aqta öz Facebook saifesinde Qırimnıñ rusiyeli başı Sergey Aksönov yazdı.
Onıñ aytqanına köre, daa evel Qırım memurları, 2 biñ liftni deñiştirmek içün 3 milliard rublelik yardım soracaq ediler, amma istisalcı bir yılda olarnı işlep çıqarmağa azır olmağanını bildirdi.
2018 senesi martnıñ 2-sinde Aqmescitte çoq qatlı evde liftniñ sınması neticesinde qadınnen bala elâk oldı.
