Link açıqlığı

Qırım «ükümeti»nde qırımtatarlarnıñ milliy lideri Mustafa Cemilev Dnepropetrovsk vilâyet devlet memuriyetiniñ başı İgor Kolomoyskiy ile körüşüvde «Qırım» cezalav batalyonı»nı teşkil etmek ve qırımtatar vekillerine oña qoşulmağa teklif etmek qarar alınğanı aqqında söz yürseteler.

Bu sebepten Qırımnıñ öz başına tayin etilgen Sergey Aksönov batalyonğa kirecek er bir qırımtatarnı Rusiye Federatsiyasınıñ qanunları boyunca cezalamağa vade ete.

«Qırımtatar halqınıñ sabıq liderleriniñ yaqında bir devletniñ territoriyasında yaşağan insanlarğa qarşı etilgen areketleri eñ azından kendi vatandaşları içün adaletsizliktir, qırımtatarlarnı cezalav batalyonlarğa qoşulmaq çağıruvları ise muvafaqiyetsizdir», – dep bildire Aksönovnıñ sözlerini matbuat hızmeti.

«Bu kibi teşkilâtlarda iştirak etecekler Rusiye Federatsiyasınıñ cinaiy qanunları boyunca cezalarını körecek. Qırım Cumhuriyetiniñ ve Rusiye Federatsiyası Ükümetiniñ böyle ekstremist teşkilâtlarğa qarşılıq köstermek içün küçü yeterlidir», – dey Aksönov.

Qırım.Aqiqat saytına Qırımtatar milliy Meclisinde Cemilev qırımtatar halqınıñ aqları oğrunda barışıq küreşniñ tarafdarı ola, şunıñ içün Qırım «ükümeti»niñ tarafından bu kibi bildirüvler milliy liderniñ adını lekelemek içün etilgen nevbetteki ıntıluvı olğanını qayd ettiler.

«Öz halqınıñ barışıq, qansız küreşi oğrunda yıllar devamında turğan insan nasıldır bir ekstremizmge başlamaycaq. O, bu küreşniñ esasçısı, biz de alâ daa bu mevamnıñ tarafdarları olamız», – dedi Qırım.Aqiqatqa qırımtatar milliy Meclisiniñ reisi muavini Ahtem Çiygoz.

O şunı da qayd etti ki, qırımtatarlarnı yaqalamaq içün Qırım «akimiyeti»ne qoşma sebepler kerekmey.

«Laf imzalanğan añlaşma çerçivesinde ola bilir edi, – dedi Çiygoz. – Anda içtimaiy, milliy ve iqtisadiy saalarda işbirlik aqqında noqtalar bar edi».

İyün 17 kunü Dnepropetrovstkta Dnerpopetrovsk vilâyet memuriyetiniñ reisi İgor Kolomoyskiy ve qırımtatar halqınıñ milliy lideri Mustafa Cemilev işbirlik aqqında Memorandumnı imzaladılar.

Memorandum içine 17 noqtanı qaplap ala.

Memorandum maqsadı – qırımtatar halqı ve Dnepropetrovsk vilâyetiniñ sakinleri arasında dostluq, ürmet munasebetlerini inkişaf etmek.

Mustafa Cemilev işğal etilgen topraqlardan köçip kelgenlerge yardım köstermege toqtamağan insanlarğa teşekkürini bildirdi.

Şu cümleden, memorandumğa köre, taraflar tarih, til, tasil, medeniyet boyunca umumiy ilmiy-ameliy konferentsiyalarnı keçirmege añlaştılar.
XS
SM
MD
LG