Qırımnıñ rusiyeli başı Sergey Aksönov, yarımadanıñ qurucılıq ve mimarcılıq naziri vazifesine Mihail Harlamovnı tayin etti. Böyle vesiqa Qırım akimiyetiniñ portalında derc etildi.
Bir kün evel qurucılıq ve mimarcılıq naziri Sergey Kononov öz isteginen işten boşacağına dair ariza yazğanı belli oldı.
Aksönovnıñ aytqanına köre, Kononovnıñ işten çıqqanınıñ sebebi - “effektiv olmağan saanıñ idare strukturası”.
Bundan evel Mihail Harlamov Aqyar mimarcılıq ve qurucılıq bölüginiñ müdir muavini vazifesini becere edi.
