Yılnıñ başından Qırımnı tahminen 4 million turist ziyaret etti, bu da 2022 senesiniñ aynı devri ile muqayesede yüzde 28 azdır, dep bildirdi Qırımnıñ işğal yolbaşçısı Sergey Aksönov.
"Bu yılnıñ başından Qırım 3,79 million turist qabul etti. Bu 2022 senesiniñ aynı devri ile muqayesede yüzde 28 azdır. Turizm saası qıyın şaraitte çalıştı, amma buña baqmadan kurort mevsimi oldı", - dep qayd etti o.
Muarririyet bu malümatnıñ doğrı olıp olmağanını teşkerip olamay.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
