Rusiye nezaretindeki Qırım başı Sergey Aksönov Dmitriy Çernâyevni Qırım Mesken Kommunal Hocalığınıñ nazirini olaraq kene tayinledi. Bu qarar martnıñ 24-ünde derc etildi.
Bir kün evel, martnıñ 23-ünde, Çernâyevniñ "selâhiyet müddeti soñuna yetkeni sebebinden" istifa etmesi aqqında emir çıqtı.
2019 senesi dekabr ayında Qırım ükümetiniñ saytında Çernâyevniñ rutbege qoyulması aqqında emir derc etilgen edi, amma soñra yoq oldı. Keççe Qırım ve Rusiye matbuatı, emir hata olıp derc etilgenini bildirdi.
Çernâyev Qırım Mesken Kommunal Hocalığınıñ nazirligini 2019 senesi yanvarde baş etti. Matbuatqa köre, Qırımda çalışıp başlağanından evel o "Soçivodokanal" müessisesiniñ başı edi.
