Qırımnıñ Rusiye yolbaşçısı Sergey Aksönov yarımadada azıq ve yaqıt yedekleri yeterlidir, dep bildirdi.
"Men Qırım sakinlerini Qırım Cumhuriyeti yaqıt ve azıq ile tolu derecede temin etilgenini bildirdi. Yaqıt yedekleri bir ayğa, azıq yedekleri ise eki ayğa qadar yeter. Telâş içün sebepler yoq", - dedi o.
O "Qırım sakinleri daa qıyın künler başından keçirgenini" qayd etti.
İşğal etilgen Qırımda yaqıt yedekleri eñ az 15 künge yetecek. Bunı Rusiye Energetika nazrligi haber etti.
Evel Aqyarnıñ Rusiye memuriyetiniñ yolbaşçısı Mihail Razvojayev şeerde yaqıt yedekleri 40 künge yetecek dep bildirdi.
Patlav oktârniñ 8-nde saba saat 6-da yüz berdi. Yol ve yük treni ateş içinde, de p haber ete Kerch.fm. Bundan ğayrı yolnıñ bir parçası dağıldı. "Qırım demiryolu" Federal devlet unitar şirketiniñ malümatına köre, yük treniniñ quyruğında yaqıt tsisternası patlağan. Sebepler daa belli degil. Yerli başlıqlarnıñ malümatına köre, naqliyat areketi toqtatılğan. .
Aqyarnıñ Rusiye memuriyetiniñ yolbaşçısı Mihail Razvojayev RF Milliy antiterroristik komissiyasına atfi etip Qırım köpründe yük maşnası patlatılğanını bildirdi.
RF Tahqiqat komiteti Keriç köpründe yüz bergen patlav faktı ile cinayet davasını açtı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
