Qırımnıñ rusiyeli başı Sergey Aksönov yañı sağlıq nazirini tayinledi. Bu vazifeni endi "Qan merkezi"niñ sabıq başı İgor Çemodanov becerecek. Böyle vesiqa Qırım ükümetiniñ saytında derc etildi."Qırım cumhuriyetiniñ devlet rütbesine - sağlıq naziri olaraq Çemodanov İgor Gennadyeviçni tayinlemek", - denile ferman metninde.
İgor Çemodanov - Qırım Muhtar Cumhuriyetiniñ nam qazanğan ekimi. 2006 - 2010 yılları o, №6 Aqmescit şeer rayon hastahanesiniñ cerrarlıq yardımı boyunca baş ekiminiñ muavini olıp çalıştı. 2010 seneso "Qan merkezi"niñ baş ekimi oldı.
Daa evel Aksönov, Kreml nezaretindeki Qırım Sağlıq Nazirliginiñ başı Aleksandr Golenko istifağa çıqqanını bildirdi.
