Qırımnıñ rusiyeli başı Sergey Aksönov, Qırım cenübiniñ dağlarında sentâbrniñ soñunace avnı yasaqladı. Bu, Qırım ükümetiniñ saytında yazılğan.
"Yüksek yanğın telükesi sebebinden ve av resurslarını saqlamaq ve devlet qorulığında bulunğan obyektlerniñ havfsızlığını temin etmek maqsadınen, Qırım Cumhuriyetiniñ Yalta şeer bölgesiniñ topraqlarında 2019 senesi avgustnıñ 30-ına qadar avnı yasaqlayım", - denile buyruq metninde.
Daa evel Qırımda avgustnıñ 22-sine qadar yüksek yanğın telükesi vaziyetini ilân ettiler.
Yüksek yanğın telükesi sebebinden yanğınğa oğraması mümkün olğan yerler yanında ateş yaqmağa, mangal qullanmağa, tütün içmege, yanğan sernik taşlamağa, pirotehnik mahsullarnı qullanmağa, benzin, kerosin ya da diger yanğan madde ile yağlanğan şeylerni qaldırmağa, küneş tüşken orman alanlarında şişe, diger çöplükni qaldırmağa, terek tübünde, alanlarda ot yaqmağa yasaq etile.
