Qırımnıñ rusiyeli başı Sergey Aksönov, yarımadağa qaytqan soñ observatorğa yerleştirilmek içün evelden yazılı razılığı olmadan qırımlılarnı çetelden qaytarmamağa buyurdı.
Bu, bazı qaytıp kelgen qırımlılarnıñ alıp baruvınıñ neticesidir, añlata Aksönov. Çünki kimer adamlar kelgen soñ observatorğa barmaqnı red ete.
"Bizim daa İndistandan bir gruppamız bar. Bu tekrarlanmasın dep, yazılı razılıqnamesiz olarnen aytışma bile keçirmeñiz. Anda, Indistandan observatorda otursınlar", - dedi Aksönov.
Bundan ğayrı, çetelge barıp kelgen er kes mecburiy observatorğa oturtılacağını ayttı.
Qırımda 51 tasdıqlanğan COVID-19 adisesi bar. Aqyarda - 18.
Qırımda özüni izolâtsiya etüv rejimi aprelniñ 30-na qadar, Aqyarda ise aprelniñ 19-na qadar uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
