Sürgünlik künü arfesinde Qırım «akimiyeti» yarımadada kütleviy tedbirlerni yasaqladı.
«Ukraina cenübiy-şarqındaki adiseler sebebinden kütleviy tedbirlerniñ keçirüv sıñırlanğanı aqqında emir»ni öz başına tayin etilgen Qırım baş naziri Sergey Aksönov imzaladı. İşbu vesiqa Qırım «akimiyetiniñ» resmiy Fasebook saifesinde yerliştirildi.
«Qanun»ğa köre, yasaq 2014 senesi iyün 6-na qadar işleycektir. Bunı: «Ukrainanıñ cenübiy-şarqında yüz bergen adiseler sebebinden Qırım Cumhuriyetine kelmege imkânı olğan ekstremistler tarafından etile bilecek tariklerniñ ögüni almaq ve Qırım Cumhuriyetinde kurort mevsiminiñ olması içün» ete ekenler.
Buñа köre, «akimiyet organlarına» ve medeniyet müessiselerine planlaştırılağan kütleviy tebdirlerni lâğu etmege emir berildi.
Evelleri Qırım «akimiyetiniñ» matbuat hızmeti yarımadada qırımtatarlarnıñ sürgünligi sebebinden keçirilecek tedbirlerni anons ete eti. Şu cümleden Aqmescitte Lenin meydanında mayıs 18 künü olacaq miting de bardır.
Ekspertlerniñ fikirine köre, böyleliknen Qırım «akimiyeti» Qırımda Sürgünlik kününe bağışlanğan tebdirlerni bütünley öz nezareti altına almaq ve matem tedbirlerni Aqmescitniñ merkeziy meydanında OMON kontroli ile keçirilecek miting ile sıñırlamaq istey.
Mecliste qayd etkenleri kibi, bu sene tariklerniñ ögüni almaq içün, Aqmescitniñ merkeziy meydanında mayıs 18 künü matem mitinginde yalıñız qırımtatar milliy bayraqları köterilecektir, Ukraina ve Rusiye timsalleri olmaycaq.
Qırım «içki işler nazirliginde» matem tedbiriniñ iştirakçilerine metallodetektorlardan keçmege kerek olğanını qayd eteler.
Tünevin Aqmescit merkezine polis ve arbiy tehnikanı ketirdiler.
«Ukraina cenübiy-şarqındaki adiseler sebebinden kütleviy tedbirlerniñ keçirüv sıñırlanğanı aqqında emir»ni öz başına tayin etilgen Qırım baş naziri Sergey Aksönov imzaladı. İşbu vesiqa Qırım «akimiyetiniñ» resmiy Fasebook saifesinde yerliştirildi.
«Qanun»ğa köre, yasaq 2014 senesi iyün 6-na qadar işleycektir. Bunı: «Ukrainanıñ cenübiy-şarqında yüz bergen adiseler sebebinden Qırım Cumhuriyetine kelmege imkânı olğan ekstremistler tarafından etile bilecek tariklerniñ ögüni almaq ve Qırım Cumhuriyetinde kurort mevsiminiñ olması içün» ete ekenler.
Buñа köre, «akimiyet organlarına» ve medeniyet müessiselerine planlaştırılağan kütleviy tebdirlerni lâğu etmege emir berildi.
Evelleri Qırım «akimiyetiniñ» matbuat hızmeti yarımadada qırımtatarlarnıñ sürgünligi sebebinden keçirilecek tedbirlerni anons ete eti. Şu cümleden Aqmescitte Lenin meydanında mayıs 18 künü olacaq miting de bardır.
Ekspertlerniñ fikirine köre, böyleliknen Qırım «akimiyeti» Qırımda Sürgünlik kününe bağışlanğan tebdirlerni bütünley öz nezareti altına almaq ve matem tedbirlerni Aqmescitniñ merkeziy meydanında OMON kontroli ile keçirilecek miting ile sıñırlamaq istey.
Mecliste qayd etkenleri kibi, bu sene tariklerniñ ögüni almaq içün, Aqmescitniñ merkeziy meydanında mayıs 18 künü matem mitinginde yalıñız qırımtatar milliy bayraqları köterilecektir, Ukraina ve Rusiye timsalleri olmaycaq.
Qırım «içki işler nazirliginde» matem tedbiriniñ iştirakçilerine metallodetektorlardan keçmege kerek olğanını qayd eteler.
Tünevin Aqmescit merkezine polis ve arbiy tehnikanı ketirdiler.
