Qırımnıñ işğal yolbaşçıları keçirgen "Yalta iqtisadiy forumı" Moskvağa avuştırıla bile. Bunı İnterfaks haber ete.
Qırımnıñ Rusiye yolbaşçısı Sergey Aksönovnıñ sözlerine köre, forumnı Ukrayinanıñ diger işğal etilgen bölgeleri ile beraber keçirecek olalar. Memur yañı format aprelniñ birine qadar taqdim etilecegini bildirdi.
Öz telegram kanalında Aksönov forumnıñ Qırımdan Moskvağa avuştırılmasını ''belli bir logistik hususiyetlerden" sebep dep añlattı.
"Yalta iqtisadiy forumı" 2015 senesi keçirip başladılar. Ukrayina onıñ iştirakçilerini qanun bozucıları dep saya, çünki olar Qırımğa Ukrayina akimiyetiniñ ruhseti olmadan keleler.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
