Rusiye nezaretindeki Qırım başı Sergey Aksönov, Aqmescit akimiyetine ve Naqliyat nazirligine tamir etilecek yollarnıñ cedvelini tizmege buyurdı.
Bunı o, noyabr 11-inde Facebook saifesinde yazdı.
"Raatlıq künlerinde, Qırım Cumhuriyetiniñ Nazirler Şurasından zenaatdaşlarımıznen beraber, Aqmescit yollarını teşkerip çıqtıq. Evelleri aytqanım kibi, kelecek yılnıñ başında şeer ve rayon yollarınıñ tamirlev ve qurmasına para ayırılacaq. O aqça, yarımadanıñ bütün yaramay yollarını yahşı alğa ketirmek içün yetmek kerek", - yazdı Aksönov.
Daa evel Aksönov, Qırım, kelecek üç yıl devamında yol tamirlevine qomşu Rusiyeniñ budjetinden qoşma para alacağını bildirgen edi. Yollarnı birinciden Aqmescit, Keriç ve Aqmescit rayonında tamir etecekler.
