Qırım cumhuriyetiniñ «ükümeti» Şımaliy-Qırım kanalını yañıdan qurulmaycaq.
Bu aqta İTAR-TASSqa Qırımnıñ «baş naziri» Sergey Aksönov dedi.
«Masraflar ceetınden bu meseleler (kanalnıñ tamiri) yaqın vaqıtta baqılmaycaq. Bizim fikirimizce, Ukraina bizge suv bermeycek», — dedi Aksönov.
KHVnıñ malümatlarına köre, XX-ci asırnıñ 60-ci senelerinde qurulğan kanal Qırım tarafında 80% eskirdi.
İlerde eger Ukrainanen munasebetler deñişse kanal tamir etilecekmi yoqmı sualge cevap bergende Aksönov şay dedi: «Kim bilir. Men Ukrainadaki akimiyetke sağlam bir küçler keleceginde eminim».
Aynı zamanda o «Ukraina suv içün yahşı tölev alğanını ve şimdi özü bu kelirlerni red etkenini» qayd etti.
Böyle vaziyette pirinç östürmekten vazgeçecegini aqqında bildirdi, çünki bu yılnıñ pirinç bereketi suvsızlıq sebebinden ğayıp olğan eken.
Aksönovnıñ sözlerine köre, köy hocalıqlarında çalışqanlarğa, hususan pirinçnen oğraşqanlarğa öz biznesini başqa bir şekilde alıp barmağa teklif eteilecek. Olarğa imtiyazlı şartlarda Qırımnıñ başqa vilâyetlerinde topraq berilecek.
Ondan da ğayrı, Qırım «spikeri» Vladimir Konstantinov Ukraina suv içün tayinlegen fiyatını qabul etilmeycek olaraq sayğanını qayd etmek kerek.
Bu aqta o Sank-Peterburgta keçken halqara iqtisadiy forumda bildirdi.
Bu aqta İTAR-TASSqa Qırımnıñ «baş naziri» Sergey Aksönov dedi.
«Masraflar ceetınden bu meseleler (kanalnıñ tamiri) yaqın vaqıtta baqılmaycaq. Bizim fikirimizce, Ukraina bizge suv bermeycek», — dedi Aksönov.
KHVnıñ malümatlarına köre, XX-ci asırnıñ 60-ci senelerinde qurulğan kanal Qırım tarafında 80% eskirdi.
İlerde eger Ukrainanen munasebetler deñişse kanal tamir etilecekmi yoqmı sualge cevap bergende Aksönov şay dedi: «Kim bilir. Men Ukrainadaki akimiyetke sağlam bir küçler keleceginde eminim».
Aynı zamanda o «Ukraina suv içün yahşı tölev alğanını ve şimdi özü bu kelirlerni red etkenini» qayd etti.
Böyle vaziyette pirinç östürmekten vazgeçecegini aqqında bildirdi, çünki bu yılnıñ pirinç bereketi suvsızlıq sebebinden ğayıp olğan eken.
Aksönovnıñ sözlerine köre, köy hocalıqlarında çalışqanlarğa, hususan pirinçnen oğraşqanlarğa öz biznesini başqa bir şekilde alıp barmağa teklif eteilecek. Olarğa imtiyazlı şartlarda Qırımnıñ başqa vilâyetlerinde topraq berilecek.
Ondan da ğayrı, Qırım «spikeri» Vladimir Konstantinov Ukraina suv içün tayinlegen fiyatını qabul etilmeycek olaraq sayğanını qayd etmek kerek.
Bu aqta o Sank-Peterburgta keçken halqara iqtisadiy forumda bildirdi.
