Rusiyeniñ Belgorod şeeri ve Belgorod vilâyetinde gece eki vatandaş obyektinden yanğınlar oldı. Bu aqta regionnıñ valisi Vâçeslav Gladkov bildirdi. Angi obyektler aqqında aytıla ve yanğın sebebi aqqında Gladkov demedi. 40 daqqadan soñ yanğınlar söndürildi, zarar körgenler yoq, dep yazdı.
Yerli Telegram kanalları Belgorodda patlavlar aqqında bildirip, yanğın videolarını paylaşqan edi. İlk malümatqa köre, laf uçucısızlarnıñ ücümi aqqında kete.
Bazı menbalar issilik elektrostantsiyası aqqında yaza, digerleri – alt stantsiyasına yapılğan darbe aqqında. Belgoroddaki bölükte de elektrik energiyasında problemler bar, dep haber etile.
Aprelniñ 11-nde Belgorodda Şuhov ava limanında belli olmağan uçucısız cihaz tüşip patladı. Fevralniñ soñunda şeer soqaqlarına bir qaç uçucısız tüşken edi. Akimiyetniñ bildirgenine köre, adiseler neticesinde yaralanğanlar yoq, tek kiçik zararlar bar.
Ukrayına ile sıñırı olğan Rusiye regionları – Belgorod, Brânsk ve Kursk vilâyetleri – muntazam sürette ateşke oğray, zararlar ve qurbanlar bar. Region akimiyeti ücümni Ukrayına tarafı kerçekleştire, dep bildire. Kyiv bu malümatnı izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
