Qırımlı Balaşovdan 2024 senesi sentâbrniñ 12-nde çıqarıldı. Soñra onı Saratov SİZOsına, Qazanğa ve Tsivilsk SİZOsına alıp ketkenler. Oktâbrniñ 1-nde o, onı koloniyağa alıp ketecekler, dep qorantasına haber etti. Bekirov İK-9-ğa kelip, başqa siyasiy mabüs vastasınen karantinde bulunğanını bildirip oldı.
2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi.
2023 senesi martnıñ 18-nde Rusiyeniñ Rostov-na-Donu mahkemesi «Qırım birdemliginiñ» beş faaline üküm çıqardı. Qırımtatar faalleri Akim Bekirov, Seytveli Seytabdiyev, Rustem Seythalilov 14 yılğa, Eskender Suleymanov ve Asan Yanikov 15 yılğa koloniyada qalmasına üküm etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
