Ukrayinalı oyuncı, rejissör ve Ukrayina Silâlı quvetleriniñ arbiyi qırımtatarı Ahtem Seitablayevke «Ukrayinada nam qazanğan sanat erbabı» unvanı berildi. Bu aqta prezidentniñ№629/2024 buyruğında aytıla.
«Zenaatdaşlarım, qardaşlarımnı Ukrayina kinosı kününen tebrikleyim! Fırsattan faydalanıp, dostlarıma samimiy hayırlavlarım! Yaşasın Ukrayina!», – dep yazdı Seitablayev Facebook saifesinde.
Ukrayina prezidenti Volodımır Zelenskıy Ukrayina kinosınıñ künü munasebetinen 11 sanat erbabını Ukrayina devlet mukâfatınen taqdirledi.
Ahtem Seitablayev «Haytarma», «Başqasınıñ duası», «Kiborğı» ve diger filmlerde rejissörlıq işinen belli. Ahtemniñ 25-ten çoq film ve serialda oynadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
