Ukraina institutı ve Ukrainer neşiri «Tuvğan Qırım» online leyhasını başlattı – bu meşur qırımlılarnıñ 2014 senesi Rusiye tarafından işğal etilgen yarımada aqqında hatırlağanlarıdır.
İlk olaraq öz ikâyesini qırımtatar asıllı ukrainalı rejissör Ahtem Seitablayev tarif etti.
Onıñ aytqanına köre, Qırım Rusiye tarafından işğal etilmezden o, yarımadağa aman-aman er ay bara edi. Amma yedi yıldan berli anda barıp olamay.
«Anam-babam anda, eki balam, bütün halqım. Anda – menim Qırımım», – dedi rejissör. Seitablayev yarımadanıñ müim yerlerini qayd etti – Hanlar sarayı ve Çufut Qale.
«Tuvğan Qırım» (We are Crimea) – sevgen, asret çekken, beklegen Qırımımız aqqında leyha. Vaqtınca Qırım işğali sebebinden anda barıp olamağan insanlarnıñ közlerinen Qırımnı kösterecekmiz. Dört qaraman Qırımnı nasıl hatırlay ve bu olar içün ne demek olğanını tarif ete. Leyha işğalden soñ insanlarnıñ taqdiri, insan aqlarınıñ bozuluvı, Qırımdaki taqipler aqqında hatırlatacaq», – dep bildirdi Ukraina institutı.
Ukraina institutı ve Ukrainer neşiri «Tuvğan Qırım» leyhasında dört ikâye olacaq.
