Advokatlar Lilâ Gemeci ve Rustem Kâmilevniñ litsenziyalarınıñ lâğu etilmesi sebebinden Qırımda 13 siyasiy taqip qurbanı uquqiy mudafaasız qala bile, dep bildire "QırımSOS" uquq qoruyıcı teşkilâtı.
"Gemeci Qırımda 11 siyasiy taqip qurbanını mudafaa ete edi, Kâmilev ise -2. Neticede uquqiy yardımsız 13 qırımlı siyasiy mabüs qala bile", - dep bildirdi "QırımSOS" uquq qoruyıcı teşkilâtınıñ talilcisi Yevgen Yaroşenko.
Aprelniñ 14-nde Rusiye kontrolindeki Qırımnıñ Advokat palatası Lilâ Gemeci ve Rustem Kâmilevniñ litsenziyalarını sıfırlağanı belli oldı.
''Gemeci ve Kâmilev işğal etilgen Qırımda siyasiy mabüslerniñ davalarını baqqanı içün Advokat palatasınıñ azaları olmağa tırışqanda palata bunı qarşı davanen kerçekleştirdi. Advokatlar olarğa palata azalarına qabul etüvde red cevabını mahkemede itiraz bildirmege tırıştı, lâkin «Qırımnıñ advokatlar palatası» olarnı litsenziyasız qaldırmaq içün dava açtırdı», – dep bildire Ukrayina prezidentiniñ Qırım Muhtar Cumhuriyetindeki temsilciligi.
Artıq advokatlar cinaiy davalarda artıq iştirak etip olamaz, müvekkillerini imaye etip olamaz, olarnı mahkemeden evelki tahqiqatta da temsil etip olamaz.
Ukrayina akimiyeti Qırımda mustaqil advokatlarğa basqı ve taqip ilk sene olmay, lâkin Rusiyeniñ tam istilâsı başlağan soñ pek quvetleşti. Ukrayina prezidentiniñ temsilciligi jurnalistlerni Qırımda mustaqil advokatlarnıñ işine keder etilgenini keniş sürette aydınlatmağa çağıra.
2022 senesi dekabr ayında yañartılğan BM Baş assambleyasınıñ Rusiye ilhaq etken Qırımda ve Aqyarda insan aqları vaziyeti qararında «Qırımda sebepsiz tutuvlar, Qırımğa ve Qırımdan zornen avuştıruv», hırsızlav, «filtratsiya tedbirleri» takbih etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
