Advokat Nikolay Polozov Aqmescitte yaqalanğan qırımtatar faali Nariman Celâlnıñ «apishane kündeligi»niñ ekinci qısmını yayınladı.
Polozovnıñ bildirgenine köre, bunı Celâl sentâbrniñ 6-nda yazğan.
Aqmescit SİZO-sındaki yaşayışnı, onen beraber tevqif etilgen ve iskencelerge oğratılğan eki doğmuş ağa-qardaş Asan ve Aziz Ahtemovlar ve advokatlar ile laqırdısı aqqında aytıp bere.
«Yaqın arada olacaq sorğu ile bağlı fikrimiz aqqında keliştik. 1) Menim davam ve Asan ve Aziz Ahtemovlarnıñ davası bir davağa birleştirilgeni içün; 2) tevqif etilgenimden soñ defalarca advokat aqqımda marum etilgenim ve onsuz şaatlıq etkenim içün; 3) bayağı vaqıt başımda çuvalnen psihologik tazyıq altında ve cismaniy cezanı beklep stress alında şaatlıq etkenim içün men evel bergen şaatlığımdan red etem. Ve elbette, endi şübeli olaraq yañı şaatlıq etmekten red etem», – dep yaza Celâl.
Advokat Nikolay Polozov Aqmescitte yaqalanğan qırımtata rfaali Nariman Celâlnıñ metübini yayınladı. Mektüpte Celâl böyle olacağına azır olğanını yazdı ve halqnı keri çekilmemege ve toqtamamağa çağırdı.
Aqmescitte tevqif etilgen qırımtatar faali Nariman Celâl SİZO-nıñ mahsus blokunda tutula. Anda o atta diger mabüslerden uzaqlaştırılğan. Bunı Celâlnıñ advokatı Nikolay Polozov haber etti.
