Advokat Nikolay Polozov Rusiyeniñ işğal etilgen Qırımdaki areketleri soñra mahsus yaratılğan halqara taribunalda baqılacağı fikrini bildirdi. Bunı o Qırım.Aqiqat Radiosınıñ yaynında ayttı.
"Asılında, Ğarp institutlarında siyasiy iradeniñ olmaması ve halqara uquqnıñ hususiyetleri sebebinden Rusiye akimiyetine er angi bir tazyıq köstermek olduqça qıyındır. BMT-niñ Halqara Adalayet mahkemesiniñ Rusige Meclisniñ faaliyetini ğayrıdan tiklemesini emir etken qararını hatırlaymız. Rusiye bunı körmemezlikke urdı. Amma müsbet bir tecribe de bar. Bu, Rusiyeniñ deñizcilerni azat etmege mecbur etken Halqara Deñiz uquqı mahkemesiniñ qararıdır ve Rusiye bunı yapmaq mecburiyetinde qaldı. Qırımdaki vaziyet aqqında aytsaq, al-azırda tesirli tazyıq usulları yoq, amma arbiy cinayetlerniñ müddeti yoq. Dünyadaki siyasiy vaziyet deñişkende, atta keçmiş Yugoslaviya ya da Ruandada olğanı kibi mahsus bir tribunal qurulmasınıñ da mümkün olganını istisna etmeyim", - dedi Polozov.
Aynı zamanda Polozov qayd etti ki, Ukraina Qırımnı keri qaytarğance, muvafıq müessiseler insan aqlarınıñ bozuluvı ile bağlı malümatnı ve delillerni toplay bile.
